नवी दिल्ली - सोशल मिडीयावर कधी काय व्हायरल होईल सांगला येत नाही. गेले काही दिवस पाकिस्तानची दनानीर मुबीर नावाच्या तरुणीचा एक व्हिडीओ सोशल मिडीयावर व्हायरल होत आहे. या व्हिडीओमध्ये ही तरूणी 'ये हमारी कार है, ये हम है, और ये हमारी पावरी हो रही है',असं म्हणते.

पार्टी या शब्दाला ती पावरी म्हणते त्यामुळे तिला नेटकऱ्यांनी ट्रोल केले. पण या व्हिडीओमधील तिचा बोलण्याचा अंदाज हटके असल्याने भारतात विनोदी व्हिडीओ एडिट करणारा कलाकार यश राजमुखातेने या पाकिस्तानी मुलीचा व्हिडीओ म्युजिक वापरून एडिट केला. त्यामुळे हा व्हिडीओ ट्रेंड झाला.  पावरीचा ओरिजनल व्हिडीओ दानानीर मुबीन हीने 6 फेब्रुवारी रोजी इन्स्टाग्रामवर शेअर केला होता.

पावरी व्हिडीओला प्रत्युत्तर म्हणून  केंद्रीय मंत्री स्मृती इराणी यांनी सोशल मिडीयावर एक व्हिडीओ शेअर केला आहे. यश मुखातेने एडिट केलेला अभिनेत्री शहनाज गिलच्या डायलॉगचा व्हिडीओ स्मृती इराणी यांनी पोस्ट केला आहे. या व्हिडीओला सोशल मिडीयावर खूप लोकप्रिता मिळाली होती.

'जेव्हा तुम्ही पावरी व्हिडीओ पेक्षा आपला देसी असलेला टॉमी व्हिडीओला जास्त प्राधान्य देता. पावरी सोडा हे बघा, शहनाजच्या भावनांचा विचार करा' असे भन्नाट कॅप्शन या व्हिडीओला स्मृती इराणींनी दिले आहे. 

हे वाचा - Fact Check - कन्हैया कुमार जेडीयूत प्रवेश करणार?

पाकिस्तानच्या या व्हिडीओला स्मृती इराणींनी भारतातील अभिनेत्रीचा व्हिडीओ पोस्ट करून प्रतिक्रिया दिली आहे. याआधी स्मृती इराणी यांनी रसोडे में कौन था व्हिडिओ एडिट केला होता तेव्हा त्यांनी व्हिडिओ शेअर करून 'बस अब यही रह गया था' असं विनोदी कॅप्शन दिले होते.